ویب ڈیسک: وفاقی وزیر اطلاعات عطا تارڑ کا کہنا ہے کہ ایک وزیراعظم چیزیں بیچتا تھا، موجودہ شفافیت سے کام کر رہا ہے، 190 ملین پاونڈ کیس نے سب کچھ واضح کر دیا، موجودہ صورتحال میں ملک سے پنکی، گوگی اور کپتان کی نحوست کا سایہ چھٹ چکا ہے۔
عطا تارڑ نے کہا کہ 190 ملین پاؤنڈ کیس میں ایک ایسے وزیراعظم کو سزا ہوئی ہے جو تحفے میں ملی گھڑیاں بیچ کر کھا گیا تھا۔ ایک وزیراعظم چیزیں بیچتا تھا، جبکہ موجودہ وزیراعظم شفافیت سے کام کر رہا ہے، ہم نے عوام سے جو وعدے کیے تھے وہ پورے کر رہے ہیں، جبکہ یہ اپنے کیے کاموں کی سزا بھگت رہے ہیں۔
وفاقی وزیرا اطلاعات عطار تارڑ کے بیان پر ردعمل دیتے ہوئے پی ٹی آئی ترجمان شیخ وقاص اکرم نے کہا کہ 190 ملین پاؤنڈ کیس کرپشن کا نہیں، انصاف کی نیلامی کا مقدمہ ہے، حکومت میں شرم ہوتی تو کیس کو پروپیگنڈے کا وسیلہ نہ بناتی۔
