ویمنز انڈر19 ٹی 20 ورلڈکپ بھارت

افریقی ٹیم کو شکست، ویمنز انڈر19 ٹی 20 ورلڈکپ بھارت کے نام

ویب ڈیسک: جنوبی افریقی ٹیم کو شکست دے کر ویمنز انڈر19 ٹی 20 ورلڈکپ بھارت کے نام، فائنل میں پروٹیز ویمنز ٹیم 20 اوورز میں 82 رنز پرآؤٹ ہوگئی۔ فاتح الیون نے مطلوبہ ہدف ایک وکٹ کےنقصان پر بارہویں اوور میں حاصل کرلیا، گونگادی تریشا 44 اور سنیکا 26 رنز کے ساتھ ناقابل شکست رہیں۔
تفصیلات کے مطابق ویمنز انڈر19 ٹی 20 ورلڈکپ بھارت کے نام ہو گیا جبکہ میگا ایونٹ کے فیصلہ کن میچ میں جنوبی افریقی ٹیم کو 9 وکٹوں سے شکست کا سامنا کرنا پڑا۔ کوالالمپور میں آئی سی سی ویمنز انڈر 19 ٹی 20 ورلڈ کپ کا فائنل کھیلا گیا جس میں بھارت اور جنوبی افریقا کی ویمنز ٹیمیں مدمقابل آئیں۔ فائنل میں جنوبی افریقا کی ویمنز ٹیم نے ٹاس جیت کر پہلےبیٹنگ کا فیصلہ کیا جو غلط ثابت ہوا۔
پروٹیز الیون بھارتی بولرز کے سامنے بڑا سکور کرنے میں ناکام رہی اور پوری افریقی ٹیم 20 اوورز میں 82 رنز پرآؤٹ ہو کر پویلین لوٹ گئی۔ جواب میں 83 رنز کا آسان ہدف بھارتی ٹیم نے ایک وکٹ کےنقصان پر 12ویں اوور میں حاصل کرلیا، گونگادی تریشا 44 اور سنیکا 26 رنز کے ساتھ بیٹ کیری کر گئیں۔
ذرائع کے مطابق بھارتی ویمنز ٹیم نے فائنل میں جنوبی افریقہ کو 9وکٹوں سے ہرا کر مسلسل دوسری بار ویمنز انڈر 19 ٹی ٹوئنٹی ورلڈ کپ کا ٹائٹل جیت لیا۔ بھارتی ویمنز ٹیم نے 2023 میں بھی آئی سی سی ویمنز انڈر 19 ٹی ٹوئنٹی ورلڈ کپ جیتا تھا۔

مزید پڑھیں:  ٹانک میں گزشتہ شب تمام موبائل نیٹ ورک کے سگنلز بند رہے