نئے تعینات ججز نے ذمہ داریاں

اسلام آباد ہائیکورٹ میں نئے تعینات ججز نے ذمہ داریاں سنبھال لیں

ویب ڈیسک: اسلام آباد ہائیکورٹ میں نئے تعینات ججز نے ذمہ داریاں سنبھال لیں، ججز کی عدالتوں میں‌لاء افسران پیش ہوئے، ڈپٹی اٹارنی جنرل اور ایڈیشنل اٹارنی جنرل نے جسٹس سرفراز ڈوگر کا ویلکم کیا۔
تفصیلات کے مطابق اسلام آباد ہائیکورٹ میں نئے تعینات ہوانے والے ججز نے اپنی ذمہ داریاں سنبھال لیں، عدالتوں میں صرف لاء افسران پیش ہوئے، جبکہ ڈپٹی اٹارنی جنرل اور ایڈیشنل اٹارنی جنرل نے جسٹس سرفراز ڈوگر کا ویلکم کیا جو کہ سینئر پیونی جج کیلئے مخصوص بنچ نمبر ٹو میں شامل ہیں۔
اس سے پہلے بنچ ٹو کی سربراہی کرنے والے جسٹس محسن اختر کیانی آج سے اسلام آباد ہائی کورٹ کے بنچ نمبر تھری کی سربراہی کریں گے۔اس کے ساتھ ساتھ صوبوں سے 3 ججز کے اسلام آباد ہائی کورٹ تبادلے پر وکلاء نے جزوی ہڑتال کر رکھی ہے ، اسلام آباد ہائی کورٹ بار ایسوسی ایشن کی جانب سے عدالتوں کا بائیکاٹ کیا گیا ہے.

مزید پڑھیں:  بلاول بھٹو کی واشنگٹن میں امریکی صدر کے دعائیہ ناشتے میں شرکت