کرم میں‌ قیام امن کی راہ

کرم میں‌ قیام امن کی راہ میں‌ رکاوٹ ڈالنے والوں سے آہنی ہاتھوں سے نمٹا جائیگا،گنڈاپور

ویب ڈیسک: وزیراعلی خیبرپختونخوا علی امین گنڈاپور نے کہا ہے کہ ضلع کرم میں‌ قیام امن کی راہ میں‌رکاوٹ ڈالنے والوں سے آہنی ہاتھوں سے نمٹا جائیگا.
علی امین گنڈاپور نے ضلع کرم میں قیام امن کی راہ میں رکاوٹ ڈالنے والوں کے خلاف سخت اقدامات کرنے کا اعلان کرتے ہوئے کہا ہے کہ اس صورتحال میں‌چند شرپسند عناصر کی سروں کی قیمت مقرر کی گئی ہے تاکہ مسئلے کو جڑ سے ختم کیا جا سکے۔ حکومت نے کرم میں قیام امن کے لیے سنجیدہ اقدامات کیے ہیں اور جو عناصر ضلع کرم میں‌امن کی راہ میں روڑے اٹکائیں گے، ان سے آہنی ہاتھوں سے نمٹا جائے گا۔
انہوں نے مزید کہا کہ بنکرز جنہیں روزانہ گرایا جا رہا ہے، کرم میں امن کے قیام کے لیے ایک بڑی رکاوٹ تھے، ان کی مسماری کا عمل جاری رہے گا۔
علی امین گنڈا پور نے کہا کہ کرم کے مسائل کو جرگے کے ذریعے حل کرنے کی کوششیں کامیاب رہی ہیں، اور اس علاقے میں 100 سال سے زیادہ پرانا مسئلہ وقتاً فوقتاً اٹھتا رہا ہے۔کرم میں راشن کی 4 بڑی کھیپ پہنچا دی گئی ہیں، جبکہ دوسری طرف تمام چیلنجز کا مقابلہ کرنے کے لیے حکومت تیار ہے، جبکہ کرم میں‌ قیام امن کی راہ میں آنے والی ہر رکاوٹ کو جڑ سے اکھاڑ پھینکیں گے.

مزید پڑھیں:  ملک کے 21اضلاع کے ماحولیاتی نمونوں میں پولیو وائرس کی تصدیق