سہ ملکی کرکٹ سیریز کیلئے آرمی

سہ ملکی کرکٹ سیریز کیلئے آرمی اور رینجرز تعینات کی جائیگی

ویب ڈیسک: سہ ملکی کرکٹ سیریز کیلئے آرمی اور رینجرز تعینات کی جائے گی ، اس بات کی منظوری وفاقی وزارت داخلہ کی جانب سے دے دی گئی ہے۔
سہ ملکی کرکٹ سیریز کے 5 سے 10 فروری تک کے میچز کے دوران آرمی اور رینجرز پنجاب کی ایک، ایک کمپنی تعینات ہوگی، محکمہ داخلہ پنجاب کی جانب سے پولیس کی درخواست پر وفاقی حکومت کو مراسلہ ارسال کیا گیا تھا۔ یاد رہے کہ اس ٹورنامنٹ میں پاکستان، نیوزی لینڈ اور جنوبی افریقہ کے درمیان میچز کھیلے جائیں گے، 8 اور 10 فروری کے میچز قذافی سٹیڈیم لاہور میں ہوں گے۔ اس حوالے سے مزید بتایا گیا ہے کہ پیر اور منگل کی شب نیوزی لینڈ کی کرکٹ ٹیم سہ ملکی سیریز کیلئے پاکستان پہنچ جائے گی۔
پاکستان اور نیوزی لینڈ کی ٹیمیں 6 فروری کو قذافی سٹیڈیم میں فلڈ لائٹس میں پریکٹس سیشن کریں گی، جبکہ ساؤتھ افریقن ٹیم سات فروری کو پاکستان پہنچ جائے گی۔ یاد رہے تین ملکی کرکٹ سیریز کا آخری لیگ میچ اور فائنل کراچی میں کھیلا جائے گا۔ یاد رہے کہ سہ ملکی کرکٹ سیریز کیلئے آرمی اور رینجرز تعینات کی جائے گی ، اس بات کی منظوری وفاقی وزارت داخلہ کی جانب سے دے دی گئی ہے۔

مزید پڑھیں:  دہشتگردی مقدمات: علیمہ اور عظمی خان کی حاضری سے استثنیٰ کی درخواست منظور