ٹکٹ ایک گھنٹے میں فروخت

چیمپئنز ٹرافی: پاک بھارت میچ کے ٹکٹ ایک گھنٹے میں فروخت

ویب ڈیسک: چیمپئنز ٹرافی میں دبئی میں ہونے والے پاک بھارت کرکٹ میچ کے ٹکٹ ایک گھنٹے میں فروخت ہوگئے۔
رپورٹ کے مطابق پاک بھارت ٹاکر ے کے لیے ٹکٹس کی فروخت کا آغاز ہوتے ہی بکنگ ویب سائٹ پر رش لگ گیا، تقریبا ایک لاکھ 40 ہزار فینز نے آن لائن ٹکٹ کے حصول کے لیے دلچسپی ظاہر کی اور دیکھتے ہی دیکھتے ایک گھنٹے سے بھی کم وقت میں 23 فروری کو دبئی میں پاکستان اور بھارت کے درمیان ہونے والے میچ کے تمام ٹکٹس فروخت ہوگئے۔
چیمپئنز ٹرافی میں کرکٹ کا سب سے بڑا مقابلہ پاکستان اور بھارت کی ٹیموں کے درمیان 23 فروری کو دبئی انٹرنیشنل کرکٹ اسٹیڈیم میں ہونے جارہا ہے۔
بھارتی میڈیا کے مطابق آج جیسے ہی ٹکٹ بک کرنیکا وقت شروع ہوا تو دونوں ملکوں کے شائقین کے درمیان آن لائن ٹکٹ بک کرنے کی ریس لگ گئی اور پاک بھارت ٹیموں کے درمیان میچ کے ٹکٹ ایک گھنٹے میں فروخت ہوگئے۔
بہت سے شائقین نے ٹکٹ نہ ملنے کا شکوہ کیا اور افسوس کا اظہار کیا کہ وہ پاک بھارت میچ اسٹیڈیم میں بیٹھ کر نہیں دیکھ سکیں گے۔
دبئی میں ہونے والے اس اہم میچ کیٹکٹ کی کم سے کم قیمت 500 درہم(38 ہزار پاکستانی روپے) تھی جب کہ 12 ہزار 500 درہم کا مہنگا ترین پاس بھی رکھا گیا تھا۔
اس کے علاوہ ایک ہزار، 1200، 2500، 5000 درہم کا ٹکٹ بھی فروخت کے لیے پیش کیا گیا۔

مزید پڑھیں:  دہشتگردی مقدمات: علیمہ اور عظمی خان کی حاضری سے استثنیٰ کی درخواست منظور