عمران خان کے خط کا مقصد

عمران خان کے خط کا مقصد فوج اور عوام کے درمیان فرق ڈالنا ہے، رانا ثنا

ویب ڈیسک: مسلم لیگ ن کے رہنماء اور وزیراعظم کے مشیر رانا ثنااللہ کا کہنا ہے کہ عمران خان کے آرمی چیف جنرل عاصم منیر کے نام لکھے گئے خط کا مقصد فوج اور عوام میں فرق ڈالنا ہے۔
نجی ٹی سے گفتگو کرتے ہوئے رانا ثنا اللہ نے کیا یہ خط جیل سے لکھے جارہے ہیں؟ یہ کہاں سے آتے ہیں؟ بانی پی ٹی آئی کو سیاسی جدوجہد کرنی ہے تو پارلیمنٹ میں کریں۔
انہوں نے کہا کہ بانی پی ٹی آئی کے خط کا مقصد ہے کہ فوج اور عوام کے درمیان فرق ڈالا جائے یا فوج اور اس کی کمانڈ کے درمیان غلط فہمیاں پیدا کی جائیں۔
انہوں نے سوال اٹھایا کہ کیا اسلام آباد ہائیکورٹ میں ججوں کا تبادلہ کرکے ہم نے آئین سے ماورا کوئی اقدام اٹھایا ہے؟ کیا آرٹیکل 200، 26ویں ترمیم کے ذریعے آئین میں ڈالا گیا ہے یا اس میں کوئی ترمیم کی گئی ہے؟اگر سوال اٹھانے پر آئیں تو ججز کے خط پر بھی بڑے سوالات اٹھتے ہیں۔
رانا ثنا اللہ کا کہنا تھا کہ جسٹس بابر ستار اور جسٹس طارق جہانگیری کی تعیناتی رکوانے کے لیے پی ٹی آئی کی حکومت سر کے بل کھڑی ہو گئی تھی، کیا متعلقہ چیف جسٹس اور جج غلط ہیں اور جنہوں نے خط لکھا ہے وہ ٹھیک ہیں؟
واضح رہے کہ بانی پی ٹی آئی اور سابق وزیراعظم عمران خان نے آرمی چیف جنرل عاصم منیر کو خط لکھا ہے۔

مزید پڑھیں:  ہر ی پور میں پولیس مقابلہ ، ایک ڈکیت جاں بحق ،دوسرا فرار