یوٹیلیٹی سٹورز کے بغیر رمضان پیکج

وزیراعظم نے یوٹیلیٹی سٹورز کے بغیر رمضان پیکج لانے کا اعلان کردیا

ویب ڈیسک: وزیر اعظم شہبازشریف نے اس بار رمضان المبارک کے دوران یوٹیلیٹی سٹورز کے بغیر ہی رمضان پیکج لانے کا اعلان کردیا ہے ۔
وفاقی کابینہ اجلاس میں اظہار خیال کرتے ہوئے وزیراعظم شہباز شریف جمرود میں پولیو ٹیم پر حملے کی مذمت کرتے ہوئے کہا کہ ملک سے پولیو کے خاتمے کے لیے ہر ممکن اقدامات کررہے ہیں۔
وزیراعظم نے کہا بلوچستان میں دہشتگردوں سے لڑتے ہوئے زخمی ہونے والے جوانوں کی عیادت کی، فوج، ایف سی، رینجرز اور پولیس کے جوان جانوں کا نذرانہ پیش کررہے ہیں، ماضی میں دہشتگردوں کو چھوڑا گیا کہ اس سے امن قائم ہوگا۔
وزیراعظم نے مزید کہا کہ سعودی عرب نے تیل درآمد پر ایک سال کے لیے 1.2ارب ڈالرموخر ادائیگی کی سہولت دی، پاکستان اور سعودی عرب کے درمیان مختلف شعبوں میں سمجھوتے خوش آئند ہیں، کنگ سلمان ہسپتال کے لیے 4 کروڑ ڈالر کی گرانٹ کی منظوری دی۔
شہباز شریف کا کہنا تھا کہ مہنگائی 9سال کی کم ترین سطح پرہے، جنوری میں مہنگائی کی سطح 2.4 فیصدپر آچکی ہے، وزیرخزانہ، ان کی ٹیم اور ایف بی آر کا شکریہ ادا کرتا ہوں، پوری کوشش ہے ہم معاشی ترقی کی طرف بڑھیں، جس طرح دوسرے اہداف حاصل کیے معاشی ترقی کا ہدف بھی حاصل کریں گے۔
انہوں نے کہا کہ چاروں صوبوں سے ایگری کلچر ٹیکس کی منظوری ہوگئی ہے جس پر تمام وزارائے اعلی کا شکر گزار ہوں۔
وزیراعظم نے کہا کہ گزشتہ سال رمضان میں بے پناہ شکایات تھیں، اس بار مائنس یوٹیلیٹی اسٹورز رمضان پیکج لانے کی ہدایت کی ہے تاکہ کرپشن کو روکا جاسکے ، اس کے لیے وزارت فوڈ سکیورٹی کو ذمہ داری دیدی ہے۔

مزید پڑھیں:  پرنس کریم آغا خان کو مصر کے شہر اسوان میں سپرد خاک کردیا گیا