ویب ڈیسک: انسداد دہشت گردی عدالت نے سابق وزیراعظم عمران خان کی اہلیہ بشریٰ بی بی کو پیش نہ کرنے پر سپرنٹنڈنٹ اڈیالہ جیل کو نوٹس جاری کر دیا۔
راولپنڈی کی انسداد دہشت گردی عدالت کے جج امجد علی شاہ نے بشریٰ بی بی کو یکم فروری کو عدالت میں پیش نہ کرنے کے خلاف درخواست پر سماعت کی، درخواست سابق خاتون اول کے وکیل محمد فیصل ملک کی جانب سے دائر کی گئی ہے۔
درخواست میں عدالت کو بتایا گیا ہے کہ بشری بی بی کی 26 نومبر کے 31 مقدمات میں عبوری ضمانت پر سماعت مقرر تھی لیکن عدالتی احکامات کے باوجود بھی بشری بی بی کو عدالت میں پیش نہیں کیا گیا۔
درخواست میں موقف اختیار کیا گیا ہے کہ جیل انتظامیہ نے بشری بی بی کو پیش نہ کر کے عدالت کی توہین کی ہے، جیل انتظامیہ سے پوچھا جائے کہ بشری بی بی کو کیوں پیش نہیں کیا گیا۔
عدالت نے سپرنٹنڈنٹ جیل اڈیالہ نوٹس جاری کرتے ہوئے 6 فروری کو ذاتی حیثیت میں طلب کر لیا۔
