سمارٹ واچز اور فٹنس ٹریکرز

سمارٹ واچز اور فٹنس ٹریکرز سکیورٹی رسک قرار ،مراسلہ جاری

ویب ڈیسک: وفاقی حکومت نے نے سمارٹ واچز، فٹنس ٹریکرز اور دیگر پہننے کے قابل سمارٹ ڈیوائسز کو سکیورٹی رسک قرار دے دیا ہے ۔
ذرائع کے مطابق اس حوالے سے نیشنل ٹیلی کام اینڈ انفارمیشن ٹیکنالوجی سکیورٹی بورڈ نے اس حوالے سے ایڈوائزری جاری کردی جس میں کہا گیا ہے کہ کابینہ ڈویژن نے حساس مقامات پر پہننے کے قابل ڈیوائسز کے استعمال پر پابندی کی سفارش کی ہے۔
ذرائع کے مطابق سائبر سکیورٹی ایڈوائزری میں کہا گیا ہے کہ پہننے والی اسمارٹ ڈیوائسز سکیورٹی رسک ہیں، اسمارٹ ڈیوائسز خفیہ معلومات افشاں کرنے کے لیے استعمال ہوتی ہیں، حساس مقامات میں ان ڈیوائسز کا استعمال سائبر حملوں کا باعث بن سکتا ہے۔
ایڈوائزری میں کہا گیا ہے کہ یہ ڈیوائسز ڈیٹا لیک اور غیر مجاز ٹریکنگ کا باعث بن سکتی ہیں، حساس مقامات پر استعمال سے قبل ان ڈیوائسز کے تصدیقی میکانزم کا جائزہ لیا جائے، حساس اجلاسوں، آپریشنز والے مقامات پر ان ڈیوائسز کے استعمال پر پابندی عائد کی جائے۔

مزید پڑھیں:  شہباز دور میں زرمبادلہ ذخائر 11 اعشاریہ 37بلین ڈالرتک پہنچ گئے،رپورٹ