ویب ڈیسک: یوم یکجہتی کشمیر آج ملک بھر میں منایا جا رہا ہے، اس دن کے منانے کا مقصد کشمیری عوام کی بھارتی تسلط و ظلم کیخلاف لازوال جدوجہد آزادی اور قربانیوں کا اعتراف کرنا ہے. ملک بھر کی طرح دنیا بھر میں مقیم پاکستانی بھی یوم کیجہتی کشمیر آج پورے جوچ و جذبے کیساتھ منائیںگے.
پورے ملک اور آزاد کشمیر میں صبح 10 بجے ایک منٹ کی خاموشی اختیار کی جائے گی اور خصوصی تقاریب بھی آج کے دن کی مناسبت سے منعقد کی جائیں گی۔ وزیر اعظم پاکستان شہباز شریف آزادجموں و کشمیر قانون ساز اسمبلی کے خصوصی اجلاس سے خطاب کریں گے، جس میں کوہالہ پل کے مقام پر انسانی ہاتھوں کی زنجیر بنا کر مقبوضہ کشمیر کے عوام سے اظہار یکجہتی کیا جائے گا.
یوم یکجہتی کشمیر آج ملک بھر میںمنایا جا رہا ہے، اس دن شہر شہر جلسے، جلوس، ریلیاں، سیمینار اور کانفرنسز منعقد کی جائیں گی جس مسئلہ کشمیر کو عالمی سطح پر اجاگر کیا جائے گا۔ یاد رہے یوم یکجہتی کشمیر پر حکومت کی جانب سے آج عام تعطیل کا اعلان کیا گیا ہے۔
دوسری جانب مقبوضہ کشمیر میں بھی اس دن کے منانے کے حوالے سے پاکستان سے اظہار تشکر کے پوسٹرز لگا دیئے گئے جس پر وزیراعظم شہبازشریف، آرمی چیف جنرل عاصم منیر، وزیراعظم آزادکشمیر کی تصاویر آویزاں ہیں۔
