حکومت مستعفی ہوکر ازسرنو انتخابات کرائے

حکومت مستعفی ہوکر ازسرنو انتخابات کرائے، فضل الرحمان

ویب ڈیسک: مولانا فضل الرحمان نے کہا ہے کہ 8فروری انتخابات دھاندلی زدہ تھے، حکومت کو چاہئے کہ اس پر توجہ دے اور حکومت مستعفی ہوکر ازسرنو انتخابات کرائے، کیونکہ الیکشن ازسرنو ہونے چاہئیں، جو شفاف ہوں تو نتیجہ سامنے آ جائے گا۔
جمعیت علمائے اسلام کے سربراہ مولانا فضل الرحمان نے ایک بار پھر 8 فروری انتخابات کو دھاندلی زدہ قرار دیتے ہوئے حکومت سے مطالبہ کیا کہ مستعفی ہو کر از سرنو انتخابات کا اعلان کیا جائے۔ اسد قیصر کی رہائش گاہ پر عشائیے میں محمود خان اچکزئی، عمر ایوب، جنید اکبر، صاحبزادہ حامد رضا، علامہ ناصرعباس، مصطفیٰ نواز کھوکھر اور دیگررہنماؤں نے شرکت کی۔
مولانا فضل الرحمان نے پی ٹی آئی رہنما اسد قیصر کی رہائش گاہ پر عشائیے میں شرکت کے بعد میڈیا سے گفتگو کرتے ہوئے کہا کہ چیف الیکشن کمشنر کی آئینی مدت بھی پوری ہوئی، اس پر مشاورت ہونی چاہیے۔ حکومت کو استعفیٰ دیکر ازسر نو نئے انتخابات کا اعلان کرنا چاہیے۔ سابق وزیراعظم شاہد خاقان عباسی نے کہا سب جماعتوں نے اس مؤقف کا اعادہ کیا ہے کہ موجودہ حکومت عوام کی نمائندہ نہیں، ملک میں نئےالیکشن کروائے جائیں، اسی سے تمام مسائل حل ہو سکیں گے، ورنہ تو یہ مسائل بڑھتے ہی جا رہے ہیں۔
یاد رہے مولانا فضل الرحمان نے کہا ہے کہ 8فروری انتخابات دھاندلی زدہ تھے، حکومت کو چاہئے کہ اس پر توجہ دے اور حکومت مستعفی ہوکر ازسرنو انتخابات کرائے، کیونکہ الیکشن ازسرنو ہونے چاہئیں، جو شفاف ہوں تو نتیجہ سامنے آ جائے گا۔

مزید پڑھیں:  پرنس کریم آغا خان کے انتقال پر تعزیت کیلئَے صدر زرداری لزبن روانہ