بھارت کو 5اگست 2019 کی سوچ

بھارت کو 5اگست 2019 کی سوچ سے باہر نکلنا ہوگا، شہباز شریف

ویب ڈیسک: وزیراعظم شہباز شریف نے کہا ہے کہ بھارت کو 5اگست 2019 کی سوچ سے باہر نکلنا ہوگا ، اسے مسئلہ کشمیر پر بامعنی اور نتیجہ خیز مذاکرات کرنا ہوگی، کشمیر بھارت کا حصہ نہیں بن سکتا، جدوجہد آزادی میں کشمیریوں کے ساتھ کھڑے ہیں۔
تفصیلات کے مطابق یوم یکجہتی کشمیر کے موقع پر آزاد جموں وکشمیر کی قانون ساز اسمبلی کے خصوصی اجلاس سے وزیراعظم شہباز شریف نے خطاب کرتے ہوئے کہا ہے کہ مقبوضہ کشمیر کیلئے پاکستان کی حمایت میں کمی آئی ہے نہ کبھی آئے گی، بھارت کو 5اگست 2019 کی سوچ سے باہر نکلنا ہوگا، اور مسئلہ کشمیر پر بامعنی اور نتیجہ خیز مذاکرات کیلئے آگے آنا ہوگا۔بھارت اور خطے کے بہترین مفاد میں ہے کہ وہ پانچ اگست 2019 والی سوچ سے باہر نکلے۔
ان کا کہنا تھا کہ آزاد جموں و کشمیر کی قانون ساز اسمبلی سے خطاب میرے لئے اعزاز ہے، حکومت اور 24 کروڑ عوام کی طرف سے کشمیریوں سے اظہار یکجہتی کیلئے یہاں آیا ہوں، 5 فروری کشمیریوں کی جدوجہد آزادی کیلئے ہمارے پختہ عزم کی تجدید کا دن ہے۔
انہوں نے کہا کہ ہم کشمیر کے عظیم شہداء کو سلام پیش کرتے ہیں، کشمیری گزشتہ 7 دہائیوں سے آزادی کی داستان اپنے خون سے لکھ رہے ہیں، پاکستان کی حکومت اور عوام ان کی جدوجہد آزادی میں ان کے شانہ بشانہ ہیں. مقبوضہ کشمیر میں بھارتی فوج میں اضافے کے ساتھ کشمیریوں میں آزادی کی تڑپ بھی بڑھ رہی ہے، اور ہر گزرتے دن کیساتھ اس کی شدت بھی بڑھنے لگی ہے۔
انہوں نے کہا کہ 5 فروری کشمیریوں کی جدوجہد آزادی کیلئے ہمارے پختہ عزم کی تجدید کا دن ہے، 5 فروری کا دن بھارت کو چیخ چیخ کر یاد دلاتا ہے کہ کشمیر 5 اگست 2019ء جیسے اقدامات سے کسی کا حصہ نہیں بن سکتا۔مقبوضہ کشمیر کیلئے پاکستان کی حمایت میں کمی آئی نہ آئیگی، بھارت تنازعہ کشمیر پر بامعنی ونتیجہ خیز مذاکرات کرے.
وزیراعظم نے کہا کہ ہم کشمیر کے عظیم شہداء کو سلام پیش کرتے ہیں، کشمیری گزشتہ 7 دہائیوں سے اپنے خون سے آزادی کی داستان لکھ رہے ہیں، پاکستان کی حکومت اور عوام کشمیریوں کی جدوجہد آزادی میں ان کے شانہ بشانہ ہیں، کشمیریوں کے آزادی کے نعرے کی شدت میں وقت کے ساتھ ساتھ اضافہ ہو رہا ہے، مقبوضہ کشمیر میں بھارتی فوج میں اضافے کے ساتھ کشمیریوں میں آزادی کی تڑپ بھی بڑھ رہی ہے۔
شہباز شریف نے کہا کہ کشمیر بھارت کا حصہ نہیں، نہ اسے کشمیری مانتے ہیں اور نہ ہی اقوام متحدہ کی قرار داد، قائد اعظم محمد علی جناحؒ نے کشمیر کو پاکستان کی شہ رگ قرار دیا، دنیا میں انصاف اور جمہوریت کے الگ الگ اصولوں اور امتیازی قوانین کو تسلیم نہیں کیا جا سکتا، ہم دنیا کے ہر فورم پر کشمیریوں کیلئے آواز بلند کرتے رہیں گے۔
انہوں نے کہا کہ جموں و کشمیر سمیت دیگر تصفیہ طلب مسائل کو بات چیت سے حل کیا جائے، انسانیت کا دکھ دور کرنے والے دنیا میں عزت کا مقام پاتے ہیں، پاکستان کی امن کی خواہش ہماری کمزوری نہیں، امن کے حصول کی خواہش ہمارے مذہب اور جمہوری نظریے کا عکاس ہے۔
وزیراعظم کا کہنا تھا کہ پاکستان کی جوہری صلاحیت پوری قوم کی آن اور شان ہے، اپنے مفادات کا تحفظ ہر صورت یقینی بنائیں گے، محمد نواز شریف نے جوہری دھماکے کر کے ملکی دفاع کو ناقابل تسخیر بنایا۔

مزید پڑھیں:  ہری پور، معمولی تکرار پر فائرنگ سے نوجوان جاں بحق