سپانسرڈ افغانیوں کی آبادکاری

پاکستان کا سپانسرڈ افغانیوں کی آبادکاری کیلئے متعلقہ ممالک کو مراسلہ

ویب ڈیسک: پاکستان کی جانب سے سپانسرڈ افغانیوں کی آبادکاری کیلئے متعلقہ ممالک کو مراسلہ لکھ دیا گیا۔
ذرائع کے مطابق وزارت داخلہ کی جانب سے آگاہ کیا گیا کہ اگرسپانسرڈ ملکوں نے عبوری طورپرپاکستان میں مقیم افغان باشندوں کو نہ بلایا توبے دخل کردیا جائے گا ۔
دوسری جانب ذرائع نے بتایا کہ وزارت داخلہ کے مطابق پاکستان نے غیرقانونی مقیم غیرملکی باشندوں کو واپس بھیجنا شروع کردیا۔
افغان شہریوں سمیت تمام غیرقانونی مقیم باشندوں کو واپس بھیجا جارہا ہے اور اسلام آباد میں781 غیرقانونی افغان شہریوں کوبراستہ طورخم افغانستان بھیجا گیا۔
ذرائع کا کہنا ہے کہ غیرملکیوں کو ان کے ملک غیرقانونی فارنر ریپیٹریشن پلان کے تحت بھیجا جارہا ہے تاہم افغان پناہ گزین جنہیں کسی سپانسرڈ ممالک میں سیٹل ہونا تھا انہیں ابھی بیدخل نہیں کیا گیا۔
ذرائع کے مطابق وزارت خارجہ کے ذریعے اسپانسرڈ ملکوں کو افغان باشندوں کی آبادکاری کیلئے مراسلہ لکھ دیا گیا ہے، اگرسپانسرڈ ملکوں نے عبوری طورپرپاکستان میں مقیم افغان باشندوں کو نہ بلایا توبیدخل کردیا جائیگا۔

مزید پڑھیں:  سمارٹ واچز اور فٹنس ٹریکرز سکیورٹی رسک قرار ،مراسلہ جاری