کشمیر کے بغیر پاکستان نامکمل

کشمیر کے بغیر پاکستان نامکمل ہے، بلاول بھٹو زداری

ویب ڈیسک: پاکستان پیپلز پارٹی کے چیئرمین بلاول بھٹو زرداری نے کہا ہے کہ کشمیر کے بغیر پاکستان نا مکمل ہے ،عالمی برادری بھارت کو ظلم سے روکے ۔
یوم یکجہتی کشمیر کے موقع پر اپنے پیغام میں چیئرمین پیپلز پارٹی بلاول بھٹو زرداری کا کہنا تھا کہ بھارت کی جانب سے اپنے آئین کے آرٹیکل 370 کو منسوخ کرنے کی مذمت کرتے ہیں یہ کشمیری عوام کے ساتھ ایک سنگین ناانصافی ہے۔
انہوں نے کہا کہ پاکستان پیپلزپارٹی ہمیشہ کی طرح کشمیری عوام کے ساتھ اس وقت تک کھڑی رہے گی جب تک وہ ان کا حق خود ارادیت حاصل نہیں کر لیتے۔
چیئرمین پی پی نے کہا کہ70 سال سے زائد عرصے سے بھارتی افواج نے کشمیری بھائیوں پر مظالم ڈھائے ہوئے ہے، عالمی برادری بھارتی افواج کی مقبوضہ کشمیر میں انسانی حقوق کی سنگین خلاف ورزیوں کا نوٹس لے اوربھارت کو کشمیری عوام پر ظلم سے روکے۔
دوسری جانب پارٹی کے سیکرٹری جنرل نیئر حسین بخاری نے اپنے پیغام میں کہا کہ پیپلز پارٹی کشمیریوں کی پشتیبان ہے،تحریک جدوجہد آزادی کشمیر میں پیپلز پارٹی نے کشمیریوں کا سیاسی سفارتی محاز پر ساتھ دیا اور دیتی رہے گی۔

مزید پڑھیں:  سونے کی اونچی اڑان جاری، فی تولہ 3لاکھ 4 ہزار روپے تک پہنچ گیا