ویب ڈیسک:جمعیت علمائے اسلام کے سربراہ مولانا فضل الرحمان نے کہا ہے کہ حکومت امریکی صدر ڈنلڈ ٹرمپ کے بیان پر واضح موقف اپنائے ۔
امریکی صدر کی جانب سے غزہ پر قبضے کے بیان پر ردعمل دیتے ہوئے سربراہ جمعیت مولانا فضل الرحمان کا کہنا تھا کہ وفاقی حکومت اس حوالے سے واضح موقف اپنا کر قوم کے ضمیر کی ترجمانی کرے ۔
آئی مولانا فضل الرحمان نے امریکی صدر ڈونلڈ ٹرمپ کے غزہ بارے ہرزہ سرائی پر سخت موقف دیتے ہوئے کہا کہ فلسطین پر فلسطینیوں کا حق ہے، اسرائیل ایک صیہونی قبضے کا نام ہے۔
مولانا فضل الرحمان نے کہا کہ اسرائیلی قبضے کو آج تک فلسطین نے تسلیم نہیں کیا، یہ ایک حساس معاملہ اور پوری امت مسلمہ کا مسئلہ ہے۔
