ویب ڈیسک: پاکستان اور نیوزی لینڈ سے سہ فریقی سیریز کھیلنے پروٹیز لاہور پہنچ گئے، آج آرام کرنے کے بعد پریکٹس سیشن کا آغاز کل سے ہوگا۔
تفصیلا ت کے مطابق سہ فریقی سیریز کھیلنے کیلئے جنوبی افریقہ کی کرکٹ ٹیم لاہور پہنچ گئی ہے۔ پاکستان، نیوزی لینڈ اور جنوبی افریقا کے درمیان سہ فریقی سیریز کا آغاز 8 فروری سے ہو رہا ہے۔ سیریز کھیلنے کیلئے جنوبی افریقا کی ٹیم براستہ دبئی نجی ائیر لائن سے لاہور پہنچی، جسے سخت سکیورٹی کے حصار میں نجی ہوٹل میں پہنچا دیا گیا۔ شیڈول کے مطابق آج پروٹیز مکمل آرام کریں گے اور کل سے پریکٹس سیشن کا آغاز ہوگا۔
دوسری طرف نیوزی لینڈ کی کرکٹ ٹیم پہلے ہی لاہور پہنچ چکی ہے۔ سہ فریقی سیریز کے افتتاحی میچ میں پاکستان ٹیم ہفتے کو نیوزی لینڈ سے قذافی سٹیڈیم لاہور میں مدمقابل ہو گی۔ یاد رہے پاکستان اور نیوزی لینڈ سے سہ فریقی سیریز کھیلنے پروٹیز لاہور پہنچ گئے، آج آرام کرنے کے بعد پریکٹس سیشن کا آغاز کل سے ہوگا۔
