ویب ڈیسک: سونے کی قیمت میں ریکارڈ اضافہ نوٹ کیا جا رہا ہے، جس کے ساتھ ہی تاریخ میں پہلی بار سونا فی توکہ 3 لاکھ روپے سے تجاوز کر گیا،صرافہ مارکیٹ اور اس سے جڑے کاروباری حضرات خریداروں کے ساتھ پریشانی کا شکار ہیں.
آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں 1346 روپے کا اضافہ ریکارڈ ہوا ہے جس کے بعد سونا فی تولہ 3 لاکھ 46 روپے ہو گیا ہے۔ اس کے ساتھ ساتھ 10 گرام سونے کی قیمت بھی 1154 روپے اضافے کے بعد 2 لاکھ 57 ہزار 241 روپے ہو گئی ہے۔
بین الاقوامی منڈی میں بھی سونے کی قیمت آسمان سے باتیں کرنے لگی ہیں، سونے کی قیمت 10 ڈالر اضافے کے بعد 2869 ڈالر فی اونس ہو گئی ہے۔
گزشتہ روز بھی ملک بھر میں سونے کی قیمتیں بُلندی پر پہنچنے کا سلسلہ جاری رہا ، اور اب فی تولہ سونا ایک ہزار 300روپے بڑھ کر ملکی تاریخ میں پہلی بار 3 لاکھ روپے کے قریب جاپہنچا تھا۔31 جنوری کو سونے کے نرخ 2 لاکھ 91 ہزار 800 روپے کی نئی بلند ترین سطح پر ریکارڈ کیے گئے تھے ۔یاد رہے سونے کی قیمت میں ریکارڈ اضافہ نوٹ کیا جا رہا ہے، جس کے ساتھ ہی تاریخ میں پہلی بار سونا فی توکہ 3 لاکھ روپے سے تجاوز کر گیا.
