ویب ڈیسک: شمالی وزیرستان میں سکیورٹی فورسز کے آپریشن کے دوران 3دہشت گرد ہلاک کردیئے گئے ۔
پاک فوج کے شعبہ تعلقات عامہ کے مطابق 6اور 7فروری کی درمیانی شب سکیورٹی فورسز نے دتہ خیل میں آپریشن کیا جس کے دوران 3دہشت گرد ہلاک کئے گئے ۔
آئی ایس پی آر کے مطابق ہلاک کئے جانے والے تینوں دہشت گرد خواتین کا برقعہ پہن کر فرار ہونے کی کوشش کر رہے تھے۔
ترجمان پاک فوج کا کہنا تھا کہ ہلاک ہونے والے خوارج سے اسلحہ اور گولہ بارود بھی برآمد ہوا ہے جبکہ شرپسند دہشتگردی کی متعدد کارروائیوں میں بھی ملوث تھے۔
آئی ایس پی آر کے مطابق علاقیمیں خوارج کی ممکنہ موجودگی کے پیش نظرسینیٹائزیشن آپریشن جاری ہے اور سکیورٹی فورسز ملک سے دہشتگردی کی لعنت ختم کرنے کیلئے پرعزم ہیں۔
