ویب ڈیسک: خیبرپختونخوا کے ضلع مانسہرہ میں پیکاترمیمی ایکٹ کے تحت مقدمہ درج کرکے شہری کو گرفتار کرلیا گیا ۔
ذرائع کے مطابق مقدمہ پولیس کی مدعیت تھانہ سٹی میں درج کیا گیا جس میں کہا گیا ہے کہ جماعت اسلامی کے مقامی رہنماء شبیر احمد خان نے دو روز قبل یوم یکجہتی کشمیر کے موقع پراپنے خطاب میں حکومت اور اداروں کے خلاف نازیبا الفاظ استعمال کیے تھے۔
مقدمے کے متن میں مزید کہا گیا ہے کہ ملزم نے بذریعہ لاڈ اسپیکر اپنی تقریر میں لوگوں کو اکسایا.، حکومت وقت، ریاستی اداروں اوراہلکاروں کے خلاف تقاریرکیں اور بدنام کیا۔
ملزم کو انسداد دہشت گردی عدالت ایبٹ آباد میں پیش کیا جائے گا۔
دوسری جانب امیر جماعت اسلامی ہزارہ ڈویژن عبدالرزاق عباسی نے جماعت اسلامی کے مقامی رہنما شبیر خان پرمقدمے کیاندراج اورگرفتاری کی شدید مذمت کی۔
