ویب ڈیسک: وزیراعلیٰ خیبرپختونخوا علی امین گنڈاپور کی جانب سے پی ٹی آئی کے جلسوں اور احتجاج پر اب تک کروڑوں روپے خرچ کئے جانے کا انکشاف ہوا ہے ۔
ذرائع کے مطابق وزیراعلیٰ خیبرپختونخوا علی امین گنڈا پور پارٹی کے جلسوں اور احتجاج پر اب تک 50کروڑ روپے سے زیادہ خرچ کر ڈالے جب کہ احتجاج کے دوران جلائی گئی مشینری اور دیگر نقصانات کی ادائیگی وزیراعلیٰ نے اپنی جیپ سے کی ۔
ذرائع کا کہنا ہے کہ کل ہونے والے جلسے کے لیے بھی وزیراعلیٰ کی جانب سے پارٹی کو 50لاکھ روپے کی ادائیگی کی گئی جبکہ قافلے میں شامل سینکڑوں گاڑیوں کا کرایہ بھی ادا کیا گیا ۔
ذرائع نے بتایا کہ کل صوابی میں ہونے والے جلسے میں شرکت کے لئے ڈی آئی خان ریجنل سے بڑا قافلہ عمر امین کی قیادت میں صوابی پہنچے گا ۔
اس حوالے سے وزیراعلیٰ علی امین گنڈا پور کے ترجمان فراز مغل نے موقف اختیار کیا کہ وزیراعلیٰ علی امین گنڈاپور نے اخراجات اپنی جیب ادا کئے ہیں ۔
انہوں نے کہا کہ کل ہونے والے جلسے کے لیے بھی وزیراعلیٰ خیبر پختونخوا نے فنڈ دیا ہے اور وہ پارٹی کے لئے کام کرتے رہیں گے۔
