ویب ڈیسک: بنوں میں پولیس چوکی پر دہشت گردوں کی جانب سے دو روز میں دوسرا حملہ کیا گیا جس میں 2اہلکار شہید ہو گئے ۔
پولیس کے مطابق بنوں کے علاقہ فتح خیل میں پیش آیا جہاں پولیس چوکی پر دہشت گردوں کے حملے میں 2 اہلکار شہید ہو گئے جبکہ حملہ آور کارروائی کے بعد فرار ہونے میں کامیاب ہو گئے۔
شہید اہل کاروں کی شناخت رحیم اللہ اور ضیا اللہ کے ناموں سے ہوئی ہے۔
واضح رہے کہ اسی چوکی پر دہشت گردوں کی جانب سے گزشتہ شب بھی حملہ کیا گیا تھا۔
علاوہ ازیں 2 روز قبل کرک کے علاقے میں پولیس چوکی پر حملے میں 3 اہل کار شہید اور 3 زخمی ہو گئے تھے۔
تھانہ خرم تحصیل بانڈہ داد شاہ بہادر خیل چوکی پر رات گئے مسلح افراد نے حملہ کیا تھا، جس میں فائرنگ کا تبادلہ رات گئے تک جاری رہا تھا۔
