ویب ڈیسک: صوابی میں پاکستان تحریک انصاف (پی ٹی آئی )کے جلسے کے لئے پنڈال سج گیا جس کے لئے قافلوں کی آمد کا سلسلہ جاری ہے ۔
انتظامیہ کے مطابق جلسہ گاہ میں80فٹ چوڑا اور 40فٹ اونچا سٹیج بنا دیا گیاجبکہ 8ہزار سے زیادہ کرسیاں لگائی جائیں گی، جلسے کی سکیورٹی کیلئے 1400 اہلکار ڈیوٹی دیں گے۔
جلسے میں مرکزی و صوبائی قائدین کارکنوں سے خطاب کریں گے، پشاور میں ہر حلقے سے مقامی قیادت کی زیر نگرانی قافلے صوابی پہنچیں گے۔
وزیراعلیٰ خیبرپختونخوا علی امین گنڈاپور نے کہا ہے کہ بانی پی ٹی آئی عمران خان کی کال پر یوم سیاہ منا رہے ہیں، پورے ملک میں پی ٹی آئی کارکنان کے ساتھ عوام بھی احتجاج کر رہے ہیں، یوم سیاہ تاریخ میں سنہری الفاظ میں لکھا جائے گا۔
ان کا کہنا تھا کہ فارم 47 کی نا اہل حکومت نے پاکستان کے ہر ادارے کو تباہ کر دیا، 26 نومبر اور 9 مئی کے واقعات میں ملوث حکومت جودیشل کمیشن بنانے سے ڈرتی ہے۔
پی ٹی آئی رہنما سلمان اکرم راجہ نے کہا ہے کہ آج یوم سیاہ پر صوابی میں بھرپور احتجاج کریں گے۔
