ویب ڈیسک: خیبرپختونخوا حکومت نے چیف سیکرٹری کی تبدیلی کا فیصلہ کرلیا اس سلسلے میں نئے چیف سیکرٹری کیلئے وفاق کو تین نام ارسال کردیئے ۔
ذرائع کے مطابق پی ٹی آئی کی خیبر پختونخوا حکومت نے چیف سیکرٹری چوہدری ندیم اسلم کو تبدیل کرنے کا فیصلہ کرلیا ہے اس سلسلے میں وفاق کو تین نام ارسال کردیئے گئے جن میں شہاب علی شاہ، شہزاد بنگش اور فخر عالم کے ناموں پر غور کیا جارہا ہے۔
ذرائع نے بتایا کہ شہاب علی شاہ ایڈیشنل چیف سیکرٹری پی اینڈ ڈی خیبرپختونخوا رہ چکے ہیں جبکہ بلوچستان میں اے سی ایس کے طور پر کام کررہے ہیں۔
اسی طرح ڈاکٹر شہزاد بنگش چیف سیکرٹری خیبر پختونخوا رہ چکے ہیں اور فخر عالم چیف سیکرٹری سندھ کے عہدے پر کام کرچکے ہیں۔
خیبرپختونخوا کے چیف سیکرٹری ندیم اسلم 2023 سے صوبے میں تعینات ہیں۔
