ویب ڈیسک: اسحاق ڈار سے ایرانی ہم منصب سید عباس عراقچی نے ٹیلی فونک رابطہ کیا جس میں مشرق وسطیٰ کی صورتحال زیربحث رہی، اور اس حوالے سے تفصیلی بات چیت کی گئی۔
ترجمان دفتر خارجہ شفقت علی خان کے مطابق پاکستانی وزیر خارجہ اور نائب وزیراعظم سے ایران کے وزیر خارجہ سید عباس عراقچی نے ٹیلی فونک رابطہ کیا، اس دوران دونوں وزراء کے مابین مشرق وسطیٰ کی صورتحال پر خصوصی بات چیت کی گئی۔ ٹیلی فونک بات شیت میں دونوں فریقین نے غزہ میں فلسطینیوں کی حالت زار پر بھی تبادلہ خیال کیا، نائب وزیراعظم نے فلسطینیوں کو بے گھر کرنے کی تجویز انتہائی پریشان کن و غیر منصفانہ قرار دیدی۔
اسحاق ڈار نے اس موقع پر زور دیتے ہوئے کہا کہ فلسطینی سر زمین فلسطینی عوام کی ملکیت ہے، اس پر انہی کا حق ہونا چاہئے، اس موقع پر پاکستان نے غزہ مسئلے کا واحد حل دو ریاستی قرار دیدیا، تاہم اس کے ساتھ ساتھ پاکستان خودمختار فلسطینی ریاست کے قیام کی حمایت جاری رکھے گا، ایک ایسی فلسطینی ریاست جس کا دارالحکومت القدس الشریف ہو۔
وزیر خارجہ نے اس معاملے پر غور و خوض کیلئے او آئی سی وزرائے خارجہ کا غیر معمولی اجلاس بلانے کیلئے پاکستان کی حمایت سے بھی اپنے ایرانی ہم منصب کو آگاہ کیا۔ فریقین کے مابین ان پیش رفتوں پر قریبی رابطہ برقرار رکھنے پر اتفاق کیا گیا۔ اسحاق ڈار سے ایرانی ہم منصب سید عباس عراقچی نے ٹیلی فونک رابطہ کیا جس میں مشرق وسطیٰ کی صورتحال زیربحث رہی، اور اس حوالے سے تفصیلی بات چیت کی گئی۔
