ویب ڈیسک: سعودیہ کی نئی ویزا پالیسی جاری کر دی گئی ہے، اس پالیسی کے تحت ایک سالہ ملٹی پل انٹری سہولت ختم کر دی گئی ہے۔
تفصیلات کے مطابق پاکستان سمیت 14 ممالک کیلئِے سعودی عرب نے نئی ویزا پالیسی کا اعلان کر دیا ہے، سعودی حکام کی جانب سے سیاحت، کاروبار اور خاندانی وزٹ کے لیے جاری کیے جانے والے ایک سالہ ملٹی پل ویزے کو معطل کرتے ہوئے صرف سنگل انٹری ویزا جاری کرنے کا فیصلہ کر لیا۔
سعودی عرب کی جانب سے نئی ویزا پالیسی کا اعلان پاکستان، بھارت، بنگلہ دیش، الجزائر، مصر، ایتھوپیا، انڈونیشیا، عراق، اردن، مراکش، نائیجیریا، سوڈان، تیونس اور یمن کیلیے کیا گیا ہے، جس کا اطلاق یکم فروری 2025 سے ہو گیا۔
سعودی حکام کے مطابق یہ اقدام ان افراد کو روکنے کے لیے اٹھایا گیا ہے جو طویل المدتی ویزا کا استعمال کرتے ہوئے غیر قانونی طور پر حج ادا کرتے ہیں۔ نئی پالیسی کے تحت سعودی عرب جانے کے خواہش مند افراد کو اب صرف سنگل انٹری ویزا جاری کیا جائے گا، جو 30 دن کے لیے قابل استعمال ہو گا۔
سعودی وزارت حج و عمرہ نے حج 2025 کے لیے مقامی شہریوں اور رہائشیوں کے لیے رجسٹریشن کھول دی ہے اور خواہش مندوں کو نسک ایپ یا سرکاری ای پورٹل پر درخواست جمع کروانے کی ہدایت کی ہے۔ سعودیہ کی نئی ویزا پالیسی جاری کر دی گئی ہے، اس پالیسی کے تحت ایک سالہ ملٹی پل انٹری سہولت ختم کر دی گئی ہے۔
