ویب ڈیسک: پاکستان نے رواں مالی سال کی پہلی ششماہی جولائی تا دسمبر کے دوران تمام شعبوں کی برآمدات میں اضافہ کرنے میں کامیابی حاصل کرلی۔
حکومتی ذ رائع کے مطا بق حکومت کی بہترین حکمت عملی کے تحت کے نتیجے میں جولائی تا دسمبر 2024میں سالانہ بنیاد پر ٹیکسائل اورلیدرکی برآمدات میں 10فیصد اضافہ ہوا، اسی مدت میں ایگرو اور فوڈ سیکٹر میں سالانہ بنیاد پر برآمدات میں 6 فیصداضافہ ہوا۔
پہلی ششماہی میں ٹیکسائل اور لیدرکی برآمدات 9 ارب 62کروڑ 46لاکھ ڈالرز رہیں، اسی مدت میں ایگرو اور فوڈسیکٹرکی برآمدات 4 ارب 13کروڑ ڈالرز رہیں۔
مالی سال کی پہلی ششماہی میں دیگر مینوفیکچرنگ مصنوعات کی برآمدات 11فیصد، میٹلز اور جیمز کی برآمدات7 فیصد بڑھیں، منرلز اورپیٹرولیم کی برآمدات میں 48 فیصد، کیمیکل، فرٹیلائرز اور فارما کی برآمدات میں 25 فیصد اضافہ ہوا۔
جولائی تا دسمبر دیگر مینوفیکچرنگ مصنوعات کی برآمدات ایک ارب28کروڑ ڈالر، میٹلز اینڈ جیمزکی برآمدات کا حجم 61کروڑ 40لاکھ ڈالر ، منرلز، پیٹرولیم کی برآمدات 61کروڑ 25 لاکھ ڈالر، کیمیکلز ، فرٹیلائزر اور فارما سیکٹرکی برآمدات کاحجم 24کروڑ 22 لاکھ ڈالر رہا۔
