ویب ڈیسک: اسرائیلی وزیراعظم نیتن یاہو کا کہنا ہے کہ صدر ٹرمپ کی قیادت میں اسرائیل کا امریکہ سے بہتر کوئی دوست نہیں ہے ۔
امریکی میڈیا کو انٹرویو دیتے ہوئے اسرائیلی وزیراعظم نیتن یاہو کا کہنا تھا کہ ڈونلڈ ٹرمپ اسرائیل اور امریکا کے اتحاد کو مزید مضبوط بنا رہے ہیں، ٹرمپ کی قیادت میں اب اسرائیل کا امریکا سے بہتر کوئی دوست نہیں۔
اسرائیلی وزیر اعظم نیتن یاہو نے کہا کہ ہمیں حماس کی باقیات کو بھی ختم کرنا ہوگا، صدر ٹرمپ کے ساتھ مل کر ہم تاریخ بدل سکتے ہیں۔
نیتن یاہو کا کہنا تھا کہ ایران کو کبھی بھی جوہری ہتھیار رکھنے کی اجازت نہ دینے پر ٹرمپ اور ہم متفق ہیں۔
اسرائیلی وزیراعظم کا کہنا تھا کہ ٹرمپ کے ساتھ مل کر ہم مزید امن معاہدے اور ایک وسیع تر اور دیرپا امن حاصل کر سکتے ہیں۔
