ویب ڈیسک: سابق وزیراعظم اور پاکستان مسلم لیگ ن کے صدر میاں نواز شریف نے کہا ہے کہ اللہ تعالیٰ نے تیزی سے گڑھے میں گرتے ملک اور قوم کو بچالیاہے ۔
تفصیلات کے مطابق قائد ن لیگ میاں نواز شریف اور وزیراعلیٰ پنجاب مریم نواز سے پنجاب اسمبلی کے ارکان نے ملاقات کی ہے ۔
میاں نواز شریف نے ارکان اسمبلی سے گفتگو میں کہا کہ 1990 کا سفر جاری رہتا تو پاکستان ترقی میں کہیں آگے کھڑا ہوتا۔ مہنگائی میں کمی سے عوام کو سکھ کا کچھ سانس آیا ہے۔
نواز شریف نے کہا کہ پالیسی ریٹ 22 سے کم ہو کر 12 فیصد پر آنا معاشی بہتری کی علامت ہے۔ اللہ کرے ہم ایک بار پھر ٹیک آف کرسکیں۔ شہباز شریف بہت محنت کررہے ہیں۔ لاہور اور پنجاب میں بہت عرصے بعد عوام میں خوشی اور اطمینان نظر آ رہا ہے۔ اللہ تعالی نے تیزی سے گڑھے میں گرتے ملک اور قوم کو بچالیا۔ اللہ تعالی کا شکر ادا کرتے ہوئے محنت سے عوام کی خدمت کا سفر جاری رکھنا ہے۔ اللہ تعالی نے برکت ڈالی ہے اور بھی ڈالے گا۔
انہوں نے کہا کہ زندگی میں بہت اتار چڑھا دیکھے ہیںمسلم لیگ ن آتی ہے تو ملک میں ترقی آتی ہے وزیراعظم شہباز شریف اور وزیر اعلی مریم نواز شریف نے پاکستان کی ترقی اور عوام کی خدمت کی ایک نئی روشن مثال قائم کی ہے۔
وزیراعلیٰ پنجاب مریم نواز کا اس موقع پر کہنا تھا کہ نواز شریف اور شہباز شریف کا نام آئے تو عوام کی خدمت کی مثال بننا ہی پڑتا ہے ،اللہ تعالیٰ کے فضل سے نواز شریف پاکستان کی ترقی کا نام ہے اور ہم سب اِن کے سپاہی ہیں۔
ارکان اسمبلی نے کہا کہ ہمیشہ ن لیگ کے دور میں ملک کو ترقی، روشنی ، خوشیاں اور رنگ ملتے ہیں نظام کی اصلاح جو مریم نواز نے کی اس کی مثال نہیں ملتی۔
