ویب ڈیسک:محکمہ موسمیات نے پاکستان میں پہلا روزہ 2مارچ کو ہونے کی پیش گوئی کردی ہے ۔
تفصیلات کے مطابق رمضان المبارک کا مقدس مہینہ محض چند دنوں کی دوری پر ہے جس کادنیا بھر کے مسلمان صبری سے انتظار اور بابرکت مہینے کی تیاریوں میں مصروف ہیں ۔
محکمہ موسمیات کی جانب سے اہم پیش گوئی سامنے آئی جس کے مطابق پاکستان میں پہلا روزہ 2مارچ کو ہونے کا قوی امکان ہے ۔
محکمہ موسمیات کے مطابق پاکستان میں رمضان کا چاند 28 فروری کو نظر آنے کا امکان نہیں، چاند کی پیدائش 28 فروری کو 5 بجکر 45 منٹ پر ہوگی، غروب آفتاب کے وقت چاند کی عمر 13 گھنٹے 12 منٹ ہوگی، چاند دکھائی دینے کیلئے اس کی عمر 19 گھنٹے ہونا ضروری ہے۔
محکمہ موسمیات نے کہا کہ 29شعبان کو مطلع کہیں صاف اور کہیں بادل چھائے رہنے کا امکان ہے۔
واضح رہے کہ ملک بھر میں ماہ مقدس رمضان المبارک اور عیدالفظرکے چاند کا حتمی اعلان مرکزی رویت ہلال کمیٹی کرے گی۔
