ویب ڈیسک:اسلام آباد کی انسداد دہشتگردی عدالت نے تحریک انصاف کے رہنماء عمر ایوب اور زرتاج گل کی ضمانتوں میں توسیع کر دی۔
انسداد دہشت گردی عدالت کے جج ابوالحسنات محمد ذوالقرنین نے سنگجانی جلسے پر درج مقدمات کے معاملے میں عمر ایوب اور زرتاج گل کی ضمانت قبل از گرفتاری کی درخواستوں پر سماعت کی۔
دوران سماعت سردار محمد مصروف خان ایڈووکیٹ، آمنہ علی ایڈووکیٹ و دیگر عدالت میں پیش ہوئے۔
آج بھی ملزمان کی ضمانت قبل از گرفتاری کی درخواستوں پر دلائل نہ ہو سکے۔
بعدازاں عدالت نے عبوری ضمانتوں میں 6 مارچ تک توسیع کرتے ہوئے سماعت ملتوی کر دی۔
