ویب ڈیسک: صوبائی حکومت پر احتساب کیلئے دباو بڑھتا جا رہا ہے، ایسے میں خیبرپختونخوا حکومت کی جانب سے محکمہ اینٹی کرپشن کو وسیع اختیارات دینے کا فیصلہ کیا گیا ہے۔
ذرائع کا کہنا ہے کہ محکمہ اینٹی کرپشن کیلئے نئے قانون کی تیاری پر کام جاری ہے، اس ادارے کے اختیارات کے حوالے سے کئی تجاویز زیر غور ہیں جن میں محکمہ انسداد بدعنوانی کو وزیراعلیٰ کے خلاف بھی تحقیقات کا اختیار دینے کی تجویز زیرغور ہے۔
حکومتی ذرائع کے مطابق نئے قانون کے تحت محکمہ اینٹی کرپشن کے دائرہ اختیار میں ارکان اسمبلی اور 21 گریڈ تک کے سرکاری افسران کے خلاف تحقیقات اور کارروائی بھی کی جا سکے گی، حالیہ طور پر اینٹی کرپشن موجودہ قانون کے تحت صرف گریڈ 16کے افسروں کے خلاف تحقیقات کرسکتا ہے۔
ذرائع نے مزید بتایا ہے کہ انسداد بدعنوانی کے نئے قانون کے تحت بےنامی اثاثوں کی تحقیقات بھی کی جاسکیں گی، اور دوران تفتیش جرم ثابت ہونے پر محکمہ ریکوری خود نہیں کرے گا، بلکہ عدالت کے ذریعے کروائی جائے گی، مجرم سے 15 فیصد سروس چارجز بھی لئے جائیں گی۔
حکومتی ذرائع نے مزید بتایا ہے کہ نئے قانون کی منظوری صوبائی کابینہ کے اجلاس میں لی جائے گی، وزیراعلیٰ علی امین گنڈا پور کو بانی پی ٹی آئی عمران خان نے صوبے میں کرپشن کی شکایات کےخلاف فوری کارروائی کی ہدایت کی تھی۔صوبائی حکومت پر احتساب کیلئے دباو بڑھتا جا رہا ہے، ایسے میں خیبرپختونخوا حکومت کی جانب سے محکمہ اینٹی کرپشن کو وسیع اختیارات دینے کا فیصلہ کیا گیا ہے۔
