ویب ڈیسک: دورہ پرتگال کے دوران صدر مملکت کی لزبن میں پرنس رحیم سے ملاقات ہوئی ہے، اور اس دوران انہوں نے پرنس رحیم سے والد کے انتقال پر تعزیت کی۔
صدر مملکت نے دورہ پرتگال کے دوران لزبن میں پرنس رحیم الحسینی سے ملاقات کی اور ان سے ان کے والد پرنس کریم آغا خان کے انتقال پر تعزیت کی۔ اس موقع پر صدر مملکت نے پاکستانی عوام اور حکومت کی جانب سے دلی ہمدردی کا اظہار کیا۔
آصف زرداری نے کہا کہ پوری قوم ایک سچے دوست اور عظیم انسان سے محروم ہونے پر سوگوار ہے، انسانیت کیلئے مرحوم کریم آغا خان کی خدمات ہمیشہ یاد رکھی جائیں گی۔
