ویب ڈیسک: پشاور ہائیکورٹ کی جانب سے وزیراعلیٰ خیبرپختونخوا علی امین گنڈاپور کی حفاظتی ضمانت کی درخواست 5 مارچ تک منظور ہو گئی ہے۔
پشاور ہائیکورٹ کے جسٹس صاحبزادہ اسد اللہ اور جسٹس صلاح الدین نے علی امین گنڈاپور کی حفاظتی ضمانت کی درخواست پر سماعت کی۔ اس موقع پر وکیل درخواست گزار اور ایڈووکیٹ جنرل عدالت پیش ہوئے، جبکہ وزیراعلیٰ خیبر پختونخوا عدالت میں پیش نہ ہو سکے۔
عدالت نے کہا کہ قانون کے مطابق درخواست گزار کا پیش ہونا ضروری ہے، ہم اگلی تاریخ دے دیں گے لیکن حفاظتی ضمانت کیلئے درخواست گزار کو خود پیش ہونا ہوگا۔ بعدازاں عدالت نے وزیراعلیٰ خیبرپختونخوا کی حفاظتی ضمانت کی درخواست 5 مارچ تک منظور کرتے ہوئے سماعت ملتوی کر دی۔
