ویب ڈیسک: سپیکر قومی اسمبلی سردار ایاز صادق نے کہا ہے کہ اسلام آباد ہائیکورٹ کے جج کے ریمارکس پارلیمنٹ پر حملہ ہے ۔
اسلام آباد ہائیکورٹ کے جج کے ریمارکس پر رولنگ دیتے ہوئے سپیکر قومی اسمبلی ایاز صادق نے کہا کہ اسلام آباد ہائیکورٹ کے جج کی جانب سے دیئے گئے ریمارکس پارلیمنٹ پر حملہ ہے ، کسی کو پارلیمان کے بارے میں بیان بازی کا حق نہیں ہے ۔
اسپیکر قومی ایاز صادق نے وفاقی وزیر قانون کو ہدایت کی کہ وہ متعلقہ جج کو یہ پیغام پہنچائیں کہ پارلیمنٹ سپریم ہے۔
ایاز یادق نے مزید کہا کہ الیکشن کمشنر کی تعیناتی کے حوالے سے حکومت اور اپوزیشن کو الگ الگ خطوط لکھ دیے ہیں۔
واضح رہے کہ اسلام آباد ہائیکورٹ کے جسٹس محسن اختر کیانی نے فیڈرل پبلک سروس کمیشن کے نتائج روکنے کے خلاف درخواست کی سماعت کے دوران ریمارکس دیے کہ عدلیہ، پارلیمنٹ اور انتظامیہ سمیت تمام ستون گرچکے ہیں، عدلیہ کا ستون ہوا میں ہے مگر ہم پھر بھی مایوس نہیں ہیں۔
