ویب ڈیسک: ترکیہ کے صدر رجب طیب اردوان 2روزہ دورے پر کل پاکستان پہنچیں گے ۔
ذرائع کے مطابق ترک صدر رجب طیب ردوان کل 12 سے 13 فروری تک پاکستان کا دورہ کریں گے،دورہ وزیر اعظم شہباز شریف کی دعوت پر کیا جا رہا ہے۔
ترکیہ کے صدر کے ہمراہ اعلی سطح کا وفد بھی ہوگا جس میں وزرا، اعلیٰ حکام اور کارپوریٹ رہنما شامل ہوں گے،دونوں ممالک کے درمیان تجارتی و معاشی معاہدوں پر بات چیت کی جائے گی۔
صدر اردوان اور وزیر اعظم شہباز شریف پاک ترک اعلی سطح سٹریٹجک کوآپریشن کونسل (HLSCC) کے ساتویں اجلاس کی مشترکہ صدارت کریں گے،متعدد اہم معاہدوںپر دستخط متوقع ہیں۔
دورے کے دوران صدر اردوان، وزیر اعظم شہباز شریف اور صدر آصف علی زرداری سے بھی دو طرفہ ملاقاتیں کریں گے۔
وزیر اعظم شہباز شریف کے ساتھ وہ پاکستان ترکیہ بزنس اینڈ انویسٹمنٹ فورم سے بھی خطاب کریں گے، جس میں دونوں اطراف کے سرکردہ سرمایہ کاروں، کمپنیوں اور کاروباری افراد کو اکٹھا کیا جائے گا۔
