ویب ڈیسک: جناح ہاؤس حملہ کیس میںعمران خان کی بہنوں علیمہ اور عظمی خان بے قصور قرار دے دی گئیں، تفتیشی آفیسر کے بیان کے بعد بانی پی ٹی آئی کی بہنوں نے درخواست ضمانتیں واپس لے لیں، اس موقع پر عدالت نے کیس خارج کر دیا۔
تفصیلات کے مطابق انسداد دہشتگردی عدالت لاہور میں جناح ہاؤس حملہ کیس کے حوالے سے علیمہ اور عظمیٰ خان کے خلاف 9 مئی مقدمات میں عبوری ضمانتوں پر سماعت ہوئی۔پولیس نے 9 مئی کو جناح ہاؤس حملہ کیس میں علیمہ خان اور عظمی خان کو بے قصور قرار دے دیا۔
دوران سماعت تفتیشی افسر کا کہنا تھا کہ بانی پی ٹی آئی کی بہنوں کے خلاف تفتیش مکمل ہے، بانی پی ٹی آئی عمران خان کی بہنیں جناح ہاؤس کیس میں بے قصور ہیں، ان کی جناح ہاؤس کیس میں گرفتاری درکار نہیں۔
سماعت کے دوران تفتیشی افسر کے بیان کے بعد جناح ہاؤس کیس میں سابق وزیراعظم کی بہنوں نے درخواست ضمانتیں واپس لے لیں، اس کے ساتھ ہی عدالت نے عبوری ضمانتیں واپس لینے کی بنا پر کیس خارج کر دیا۔
