ویب ڈیسک: پاکستان سٹاک ایکسچینج میں مثبت رجحان کا سلسلہ جاری ہے، 100 انڈیکس ایک لاکھ 13 ہزار سے متجاوز ہو گیا۔
تفصیلات کے مطابق کاروباری ہفتے کے تیسرے روز سٹاک مارکیٹ میں ایک بار پھر سے تیزی دیکھنے میں آئی، اس دوران انڈیکس میں 300 سے زائد پوائنٹس کا اضافہ ریکارڈ کیا گیا، جس کے ساتھ ہی پاکستان سٹاک ایکسچینج میں ہنڈرڈ انڈیکس ایک لاکھ 13 ہزار 436 پوائنٹس کی حد کو چھو گیا۔
کاروباری ہفتے کے دوسرے روز پی ایس ای میں کاروبار کے دوران زبردست تیزی دیکھنے میں آئی، 1632 پوائنٹس اضافے کے ساتھ ہنڈرڈ انڈیکس 1 لاکھ 13 ہزار 10 پوائنٹس کی سطح پر بند ہوا تھا۔
