ویب ڈیسک: سپریم کورٹ کے سابق جج عظمت سعید شیخ لاہور میں انتقال کرگئے، اہل خانہ نے تصدیق کردی ۔
اہل خانہ کے مطابق جسٹس ریٹائرڈ عظمت سعید شیخ کچھ عرصے سے علیل اور ہسپتال میں زیر علاج تھے جو آج چل بسے ۔
عظمت سعید شیخ 2012 سے 2019 تک سپریم کورٹ میں بطور جج تعینات رہے۔
سپریم کورٹ تعیناتی سے قبل وہ لاہور ہائیکورٹ کے چیف جسٹس تھے،پانامہ لیکس کیس سننے والے بینچ کا حصہ رہے۔
عظمت سعید نے ایل ایل بی ڈگری کی تکمیل کے بعد 1978 میں راولپنڈی میں اپنے قانونی دور کا آغاز کیا۔
انہوں نے 1980 میں لاہور میں اپنی پریکٹس کرنے سے پہلے مختلف لا چیمبرز میں کام کرکے تجربہ حاصل کیا۔ اس کے بعد 1981 میں وہ لاہور ہائی کورٹ اور سپریم کورٹ آف پاکستان کے ایڈووکیٹ کے طور پر شامل ہوئے۔
جسٹس ریٹائرڈ عظمت سعید نے یکم جون 2012 کو سپریم کورٹ کے مستقل جج کی حیثیت سے حلف اٹھایا۔
تقریب حلف برداری کی صدارت اس وقت کے چیف جسٹس آف پاکستان جسٹس افتخار محمد چوہدری نے کی۔
جولائی 2019 میں جسٹس ریٹائرڈ عظمت سعید نے قائم مقام چیف جسٹس آف پاکستان کا عہدہ سنبھالا تھا۔
