ویب ڈیسک: ترک صدر رجب طیب ایردوان وزیراعظم ہاوس پہنچ گئے، جہاں انہیںسلامی پیش کی گئی، اور دونوں ممالک کے قومی ترانے بجائے گئے.
پاکستان کے دورے پر آئے ترک صدر رجب طیب ایردوان وزیراعظم ہاوس پہنچ گئے، جہاں ان کی آمد پر ان کا پرتپاک استقبال کیا گیا، وزیراعظم شہباز شریف نے ترک صدر اور خاتون اول کا استقبال کیا اور ان کے اعزاز میں سلامی بھی دی گئی، اس موقع پر دونوں ممالک کے قومی ترانے بھی پیش کیے گئے۔
وزیراعظم شہباز شریف نے مہمان خصوصی کو وفاقی کابینہ کے اراکین سے ملاوایا، گزشتہ روز رات دیر گئے ترک صدر خاتون اول اور سرمایہ کاروں اور تاجر رہنماؤں کے ہمراہ نور خان ائیر بیس پہنچے تھے جہاں صدر پاکستان آصف زرداری اور وزیراعظم شہباز شریف نے ان کا شاندار استقبال کیا گیا۔
ترکیہ کے صدر کو پاکستان آمد پر 21 توپوں کی سلامی بھی دی گئی تھی۔
