ویب ڈیسک: صوبائی مشیر صحت احتشام علی نے پختونخوا کے پہلے ائیرایمبولینس کا جائزہ لیام اوعر اس کی ٹیسٹ فلائیٹ بھی لی، اس حوالے سے پہلے صوبائی مشیر صحت کو بریفنگ دی گئی۔
مشیر صحت احتشام علی نے کہا کہ حکومت خیبرپختونخوا اپنے ایم آئی 17 ہیلی کاپٹر کو ائیر ایمبولینس پر منتقل کررہی ہے، وزیراعلی علی امین گنڈاپور کی خصوصی ہدایت پر صوبائی حکومت کے ہیلی کاپٹر سے ائیر ایمبولینس کی خدمات لی جارہی ہیں۔
انہوں نے کہا کہ اس ہیلی کاپٹر کو پہلی بار انسانی فلاح و بہبود کیلئے استعمال میں لایا جارہا ہے، وزیراعلی خیبرپختونخوا علی امین گنڈاپور نے کرم کی صورتحال میں سرکاری ہیلی کاپٹر کو عوامی خدمات کیلئے پیش کیا، اس ہیلی کاپٹر کے زریعے ادویات پہنچائی گئیں، مریضوں کو محفوظ مقامات پر منتقل کیا گیا۔
صوبائی مشیر صحت کا کہنا تھا کہ اس ہیلی کاپٹر سروس نے ہزاروں لوگوں کی جانیں بچائیں، ہیلی کاپٹر میں ائیر ایمبولینس کیلئے مجوزہ الٹریشنز اور ضروری طبی آلات نصب کی جارہی ہیں، یہ ایک سٹیٹ آف دی آرٹ بین الاقوامی معیار کا ملک کا پہلا ائیر ایمبولینس ہوگا۔
مشیر صحت خیبرپختونخوا احتشام علی کا کہنا تھا کہ ہم ائیر ایمبولینس کرائے پر نہیں لا رہے، بلکہ اپنا ہیلی کاپٹر عوام کی خدمت کیلئے پیش کررہے ہیں ۔ یاد ررہے صوبائی مشیر صحت احتشام علی نے پختونخوا کے پہلے ائیرایمبولینس کا جائزہ لیام اوعر اس کی ٹیسٹ فلائیٹ بھی لی، اس حوالے سے پہلے صوبائی مشیر صحت کو بریفنگ دی گئی۔
