ویب ڈیسک: صدر مملکت آصف علی زرداری نے کہا ہے کہ چین کا عروج مثبت پیشرفت ہے، اس سے خوفزدہ ہونے کی ضرورت نہیں، بلکہ چین کی ترقی دنیا کے لیے مثبت قدم ہے، چین کی تیزرفتار ترقی اور تبدیلی نے بہت متاثر کیا.
چینی سرکاری میڈیا کو انٹرویو میں صدر مملکت آصف زرداری کا کہنا ہے کہ ہم دہائیوں سے چین کے پڑوسی ہونے کے ناطے جانتے ہیں کہ چین دوسرے ممالک کے اندرونی معاملات میں مداخلت نہیں کرتا، اور ان کا فوکس صرف اپنے ملک پر رہا ہے، گزشتہ چند دہائیوں کے دوران چین کی تیز رفتار ترقی اور تبدیلی نے انہیںبہت متاثر کیا .
ان کا کہنا تھا کہ چین کے ہر شخص کا اپنے شعبے میں بہترین کام، قوم کے اجتماعی فائدے کا باعث بن رہا ہے، اپنے شعبے میں مہارت رکھنے کی ہی وجہ سے ترقی کے راستے کھلتے ہیں، یہی وجہ ہے کہ آج چین عروج پر پہنچ گیا ہے، اور چین کا عروج ایک مثبت پیشرفت ہے، اس سے خوفزدہ ہونے کی ضرورت نہیں، بلکہ اس پر فخر کرنا چاہئے.
صدر پاکستان نے چینی خارجہ پالیسی کی تعریف کرتے ہوئے کہا کہ یہ خطے میں استحکام کا ذریعہ ہے، انہوں نے پاک چین دوستی،اقتصادی اور سفارتی تعاون کو مزید گہرا کرنے پر بھی زور دیا۔ یاد رہے کہ صدر مملکت آصف علی زرداری نے کہا ہے کہ چین کا عروج مثبت پیشرفت ہے، اس سے خوفزدہ ہونے کی ضرورت نہیں، بلکہ چین کی ترقی دنیا کے لیے مثبت قدم ہے، چین کی تیزرفتار ترقی اور تبدیلی نے بہت متاثر کیا.
