ویب ڈیسک: امریکی نائب صدر جے ڈی وینس نے الزام لگایا ہے کہ یورپ میں آزادی اظہار پسپائی اختیار کررہی ہے جوکہ خطرناک صورتحال ہے ۔
غیر ملکی میڈیا رپورٹس کے مطابق امریکی نائب صدر نے یورپ کو آزادی اظہار پر لیکچر دیتے ہوئے کہا ہے کہ یورپی رہنما تقاریر کو سنسر کرتے ہیں۔
میونخ کانفرنس سے امریکا کے نائب صدر کا الزامات بھر اخطاب سن کر شرکا حیران رہ گئے، تالیاں بھی نہ بجائیں۔
جے ڈی وینس نے کہا کہ برطانیہ میں آزادی اظہار پسپائی اختیار کررہی ہے اور یہ صورتحال روس سے بڑا خطرہ ہے۔
امریکی نائب صدر کاکہنا تھا کہ یورپ کو سب سے بڑا خطرہ چین یا روس سے نہیں، خود اپنے آپ سے ہے۔ انہوں نے برطانیہ میں اسقاط حمل کلینک کے باہر دعا مانگنے والے شخص کی گرفتاری پر اظہار تشویش بھی کیا۔
