ویب ڈیسک: مالی میں سونے کی کان دھنسنے سے48 افراد ہلاک جبکہ متعدد لاپتہ ہو گئے، اس حوالے سے بتایا گیا ہے کہ ہلاک ہونے والوں میں ایک خاتون میں بھی شامل، جس کے پیٹھ پر اس کا بچہ بھی موجود تھا۔
مغربی افریقی ملک مالی میں غیر قانونی سونے کی کان دھنسنے سے48 افراد ہلاک ہو گئے، جبکہ متعدد افراد تاحال لاپتہ ہیں۔ پولیس ذرائع نے بتایا کہ ملک کے مغربی علاقے میں سونے کی کان منہدم ہونے سے 48 افراد ہلاک ہو چکے ہیں، کچھ متاثرین پانی میں گر گئے، ان میں ایک عورت بھی تھی جس کی پیٹھ پر اپنا بچہ موجود تھا۔
مقامی حکام نے بھی کان کے منہدم ہونے کی تصدیق کر دی ہے، ماحولیاتی تنظیم کے سربراہ کے مطابق مزید متاثرین کی تلاش کا کام جاری ہے۔ یاد رہے 2024 میں اسی علاقے میں ایک سرنگ منہدم ہونے کے نتیجے میں 70 سے زائد افراد ہلاک ہو گئے تھے۔
