ویب ڈیسک: وزیراعظم شہباز شریف نے ملک میں مہنگائی میں مزید کمی کی خوشخبری سناتے ہوئے کہا ہے کہ ملکی معیشت کو ٹھیک کرنے کے لیے دن رات محنت کی ہے، مگر ابھی مزید محنت درکار ہے۔
صحافیوں سے بات چیت کرتے ہوئے وزیراعظم شہباز شریف کا کہنا تھا کہ جب ملک کی باگ ڈور سنبھالی تو حالات انتہائی مشکل تھیہم نے حکومت کی بہتری کے لیے اقدامات کیے اور سفارشی کلچر کو ختم کرنے کی کوشش کی۔
انہوں نے کہا کہ ملکی معیشت کو ٹھیک کرنے کے لیے دن رات محنت کی ہے، مگر ابھی مزید محنت درکار ہے، آہستہ آہستہ عوام کو بہتر معیشت کے ثمرات مل رہے ہیں۔
انہوں نے کہا کہ الحمدللہ ملک میں مہنگائی کی شرح سنگل ڈیجیٹ پر آ گئی ہے بینکوں کا مارک اپ ریٹ بہتر ہوا ہے ، آنے والے دنوں میں مہنگائی کا گراف مزید کم ہو گا ۔ ان شا اللہ اس کامیابی میں پوری ٹیم کی کاوش شامل ہے۔
وزیراعظم شہباز شریف کا کہنا تھا کہ سیاسی جھگڑوں سے نفرت پھیلتی ہے، جو ملک کے لیے نقصان دہ ہے پی ٹی آئی کے دور میں نفرت کا کلچر پروان چڑھا، جس نے ملک کو نقصان پہنچایا باہمی اتفاق و اتحاد سے ہی ملک کو ترقی دی جا سکتی ہے۔
شہباز شریف کا کہنا تھا کہ سرکاری افسران کو بھی دن رات محنت کرنا ہوگی۔ ملک کی ترقی کے لیے ہر اسٹیک ہولڈر کو خلوص نیت سے کام کرنا ہو گا ۔ فوج ملکی سلامتی کے لیے جانوں کی قربانیاں دے رہی ہے۔
