ویب ڈیسک: صوبہ میں سیاسی اختلافات پر وزیراعلیٰ بلوچستان اسلام آباد طلب کر لئے گئے، وزیراعلیٰ بلوچستان میر سرفرازبگٹی اور رکن قومی اسمبلی ملک شاہ گورگیج کی کوئٹہ میں ملاقات ہوئی جس میں انہوں نے سرفراز بگٹی کو مرکزی قیادت کا پیغام دیا۔
تفصیلات کے مطابق صوبہ میں سیاسی اختلافات پر وزیراعلیٰ بلوچستان اسلام آباد طلب کر لئے گئے، پیپلز پارٹی کی مرکزی قیادت نے وزیر اعلیٰ کو اسلام آباد تمام مسائل کے حل کیلئے طلب کیا ہے۔ وزیراعلیٰ بلوچستان میر سرفرازبگٹی اور رکن قومی اسمبلی ملک شاہ گورگیج کے مابین کوئٹہ میں ملاقات ہوئی، اس دوران ملک شاہ گورگیج نے مرکزی قیادت کا پیغام میر سرفراز بگٹی کو دیا۔
اپنی نوعیت کی اس اہم ملاقات کے بعد وزیراعلیٰ بلوچستان اور ایم این اے اسلام آباد روانہ ہوگئے، جہاں ان کی صدر مملکت اور پارٹی چیئرمین سے ملاقات متوقع ہے، اس سے قبل وزیر زراعت علی حسن زہری سمیت پیپلز پارٹی کے دیگر اراکین اسمبلی نے بھی کراچی میں فریال تالپور سے ملاقات کی تھی۔
بعدازاں رکن قومی اسمبلی ملک شاہ گورگیج کو اہم ذمہ داری دی گئی ہے کہ وہ وزیراعلیٰ سے ملاقات کرکے پیپلز پارٹی کے صوبائی قائدین میں جاری اختلافات کے حوالے سے مسائل حل کروائیں گے۔
