ویب ڈیسک: وزیرِ اطلاعات پنجاب عظمیٰ بخاری نے کہا ہے کہ پیپلز پارٹی کو تب پریشر محسوس ہوتا ہے جب وزیراعلیٰ پنجاب مریم نواز کارکردگی دکھاتی ہیں، ایسے میں گورنر پنجاب بھی بہت کچھ کہتے ہیں لیکن انہیں سنجیدہ نہ لیا جائے، گورنر پنجاب کے کہنے سے کوئی وزیرِاعظم بنے گا، نہ ہٹے گا۔
انہوں نے کہا کہ گورنر پنجاب کی باتوں سے کوئی فرق نہیں پڑتا، گورنر پنجاب کے کہنے سے کوئی وزیرِ اعظم بنے گا اور نہ ہٹے گا۔ سندھ کے تاجروں نے مریم نواز کی انتظامی کارکردگی کی تعریف کیا کی کہ ان کی شامت آ گئی، انہوں نے کہا کہ مجھے معلوم ہوا ہے کہ وزیرِ اعلیٰ سندھ نے اپنے ترجمانوں کو کہا ہے کہ سیٹ بلٹ باندھ لیں۔
عظمیٰ بخاری نے بتایا ہے کہ ہم حتی الامکان کوشش کرتے ہیں کہ بیانات پر رد عمل نہ دیں، جبکہ سندھ میں اگر کوئی پراجیکٹ شروع ہوتا ہے تو ہمیں بہت خوشی ہوتی ہے، لیکن ان کیلئے بھی نصیحت ہے کہ وہ ہماری کارکردگی سے پریشان نہ ہوں۔
