ویب ڈیسک:مسلم لیگ ن کے صدر نواز شریف نے کہا ہے کہ سخت معاشی حالات کے بعد مہنگائی میں کمی ہوئی مہنگائی میں مزید کمی سے عوام کو مزید ریلیف ملنے کی امید ہے۔
وزیراعلیٰ پنجاب مریم نواز کے ہمراہ پنجاب اسمبلی کے اراکین سے بات چیت کرتے ہوئے نواز شریف کا کہنا تھا کہ وقت نے ثابت کیا مخالفین کو گالم گلوچ اور بدتمیزی کے سوا کچھ نہیں آتا۔
سابق وزیراعظم نے کہا کہ پالیسی ریٹ میں کمی نے کاروباری برادری کا اعتماد بڑھایا ہے اور سخت معاشی حالات کے بعد مہنگائی میں کمی ہوئی، مہنگائی میں مزید کمی سے عوام کو مزید ریلیف ملنے کی امید ہے۔
انہوں نے کہا کہ تعمیراتی کام پھر سے شروع ہو گئے ہیں۔ اور شہباز شریف کی محنت کا عالمی مالیاتی ادارے بھی اعتراف کر رہے ہیں وقت نے ثابت کیا مخالفین کو گالم گلوچ اور بدتمیزی کے سوا کچھ نہیں آتا۔
سابق وزیر اعظم نے کہا کہ سیاسی، دفاعی اور ترقی کے میدان میں خدمت کا شاندار ریکارڈ رکھتے ہیں۔ اور اگر ترقی کا تسلسل نہ ٹوٹتا تو ملک خطے اور دنیا میں کہیں آگے ہوتا۔ ترقی کا تسلسل نہ ٹوٹتا تو عوام کو تکلیفیں نہ جھیلنا پڑتیں۔
