ویب ڈیسک: تنخواہوں میں ازخود اضافے پر نیپرا کو وفاق کا شوکاز نوٹس جاری، چیئرمین نیپرا اور نیپرا ممبران نے ازخود تنخواہوں میں تقریباً 3 گنا اضافہ کیا تھا۔
تفصیلات کے مطابق وفاقی حکومت کی جانب سے تنخواہوں میں ازخود اضافے پر نیپرا کو شوکاز نوٹس جاری کر دیا گیا، رانا محمود الحسن کی زیر صدارت سینیٹ کی قائمہ کمیٹی کابینہ سیکرٹریٹ کا اجلاس ہوا جس میں وفاقی حکومت نے تنخواہوں میں ازخود اضافے پر نیپرا کو شوکاز نوٹس جاری کیا۔
یاد رہے کہ چیئرمین نیپرا اور نیپرا ممبران نے ازخود تنخواہوں میں تقریباً 3 گنا اضافہ کیا تھا۔ ذرائع کے مطابق تنخواہوں میں اضافہ کےلیے وفاقی کابینہ کی منظوری لازمی ہوتی ہے، لیکن نیپرا نے بغیر کسی منطوری کے تنخواہوں میں 20 سے 22 لاکھ روپے تک اضافہ کیا۔
سیکرٹری کابینہ کامران علی افضل کے مطابق نیپرا سے تنخواہوں میں اضافے کی وجوہات معلوم کرنے کے لیے وضاحت طلب کی گئی ہے، تنخواہوں میں اضافہ نیپرا ایکٹ کے سیکشن 8 کی خلاف ورزی ہے، نیپرا کو تحریری طور پر وضاحت دینا ہوگی کہ انہوں نے یہ فیصلہ کیوں کیا؟ یاد رہے تنخواہوں میں ازخود اضافے پر نیپرا کو وفاق کا شوکاز نوٹس جاری، چیئرمین نیپرا اور نیپرا ممبران نے ازخود تنخواہوں میں تقریباً 3 گنا اضافہ کیا تھا۔
