ویب ڈیسک: مانسہرہ کے عوامی نمائندوں پر کرپشن الزامات لگانے پر پی ٹی آئِ احتسابی کمیٹی نے اعظم سواتی سے شواہد طلب کرنے کی درخواست کر دی۔ پی ٹی آئی احتسابی کمیٹی کی جانب سے جاری خط میں کہا گیا ہے کہ عمران خان کے قانون کی حکمرانی اور احتساب کے وژن کے تحت ان کی حمایت درکار ہے، اور مبینہ عوامی عہدے داروں کے خلاف کارروائی کے لیے ثبوت فراہم کیے جائیں۔
خط میں مزید کہا گیا ہے کہ فراہم کردہ شواہد کی بنیاد پر چیئرمین پی ٹی آئی اور وزیراعلیٰ خیبرپختونخوا کو مناسب اقدامات کی سفارش کی جائے گی۔ سابق سینیٹر اعظم سواتی نے مانسہرہ میں ایک عوامی تقریب سے خطاب کرتے ہوئے علاقے کے منتخب ممبران پر کرپشن کے سنگین الزامات عائد کیے تھے۔
یاد رہے مانسہرہ کے عوامی نمائندوں پر کرپشن الزامات لگانے پر پی ٹی آئِ احتسابی کمیٹی نے اعظم سواتی سے شواہد طلب کرنے کی درخواست کر دی ہے.
